Juventus s’ka frikë nga askush

Sulmuesi i Juventusit, David Trezeguet beson se ekipi ka kualitete të nevojshme për të mposhtur këdo në shtëpi dhe në udhëtim. Bianconerët janë aktualisht në pozitën e dytë në Serie A dhe Grupin A në Ligën e Kampionëve. Ndërsa, Trezeguet është golashënuesi më i mirë i Juventusit këtë sezon me gjashtë gola në të gjitha garat. “Besoj se Juventus nuk duhet të ketë frikë nga askush. Ne e dimë se Inter ka ekip të mirë por edhe ne kemi bërë përforcime të mira dhe jemi shumë më të fuqishëm në dallim me vitet e kaluara. Jemi të vendosur në arritjen e objektivave tona, në mesin e së cilave është edhe Scudetto” tha Trezeguet për televizion italian Rai Due. I pyetur nëse ambiciet e Juventusit janë të zgjeruara edhe në Ligën e Kampionëve, Trezeguet u përgjigj: “Është titull të cilin nuk kam pasur kurrë kënaqësinë ta fitoj. Është objektiv i klubit, i tifozëve dhe dëshirojmë ta realizojmë. Shpresoj që ky do të jetë viti vendimtar për ne”. Disa ditë më parë menaxheri i Trezegues, Antonio Caliendo kishte thënë se do të jetë vështirë që klienti i tij të largohet nga Juventus në fund të këtij sezoni. “Kam menduar për largim është e vërtetë por ndërrimi i trajnerit ka qenë shumë i rëndësishëm për mua në shkallën personale dhe gjërat kanë ndryshuar” përfundoi Trezeguet.

Shpërndaje në: Facebook | Google | del.icio.us | Digg | Windows Live