Avokati i Bllacës, ka kërkuar që të akuzuarit t’i bëhet ekzaminimi mjekësor

Me akuza për vrasje, tentim vrasje dhe krim të organizuar, Nazim Bllacës i caktohen tridhjetë ditë arrest shtëpiak. Kështu vendosi Gjyqtari i EULEX’it, Francesko Florit. Ai nuk përfilli kërkesën e Prokurorit Mauricio Salustro, për një muaj paraburgim. Avokati i Bllacës, Haxhi Millaku, ka kërkuar që të akuzuarit t’i bëhet ekzaminimi mjekësor, për të parë nëse ai është psikikisht në rregull. Sipas tij, njeriu që i bën akuza vetes dhe të tjerëve, për vepra kaq të rënda, së pari duhet të mësohet a është normal a jo.